გიორგი კვირიკაშვილი მოქალაქეებს მოუწოდებს, გაგებით მოეკიდონ თამბაქოს კონტროლის შესახებ ახალ კანონს

ქეთი ფერაძე
: ქეთი ფერაძე მაისი 3, 2018 11:27

გიორგი კვირიკაშვილი მოქალაქეებს მოუწოდებს, გაგებით მოეკიდონ თამბაქოს კონტროლის შესახებ ახალ კანონს

პრემიერ-მინისტრი მოსახლეობას სთხოვს, რომ თამბაქოს კონტროლის შესახებ კანონის ამოქმედებას გაგებით მოეკიდონ. კვირიკაშვილმა მთავრობის დღევანდელ სხდომაზე შსს-ს მოუწოდა, კანონის აღსრულებაზე ეფექტური კონტროლი განხორციელდეს.

“1-ელი მაისიდან დაიწყო თამბაქოს კოტროლის შესახებ ახალი კანონის მოქმედება, რომლის თანახმადაც საქართველო რეგიონში ხდება მოწინავე ქვეყანა ამ თვალსაზრისით. საქართველოში თამბაქოსგან გამოწვეული სიკვდილიანობა არის 22%, ხოლო მსოფლიოში- 10%. ეს არის კატასტროფული მაჩვენებელი. მოვუწოდებ მოსახლეობას და ვთხოვ, გაგებით მოეკიდონ ამ კანონს. ჩვენ უნდა დავიცვათ თამბაქოს კვამლისგან ჩვენი მოქალაქეები, განსაკუთრებით ბავშვები და დადგენილია ემპირიულად მსოფლიოში, რომ ასეთი კანონის მოქმედება მკვეთრად ამცირებს თამბაქოს მოქმედებას. განსაკუთრებით ბიზნეს-სუბიექტებს, რომლებსაც ეს ეხებათ, მოვუწოდებ გაგებით მოეკიდონ ამას. რა თქმა უნდა, მოვუწოდებ შს სამინისტროს, რომ ეფექტურად განახორციელოს ამ კანონზე კონტროლი, მაგრამ როგორც შს სამინისტროს განცხადებაში იყო ნათქვამი, მოქალაქეებთან თანამშრომლობა და მოქალაქეების მხრიდან გაგება იქნება მნიშვნელოვანი“, – განაცხადა პრემიერმა.

ქეთი ფერაძე
: ქეთი ფერაძე მაისი 3, 2018 11:27

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,319
ვიზიტორი
დღეში
Powered By Google Analytics