საქართველოს პრემიერ-მინისტრი გიორგი კვირიკაშვილი ეროვნული უშიშროების საბჭოს 30 მაისის სხდომას დაესწრება.
ამის შესახებ ინფორმაციას საქართველოს მთავრობის ადმინისტრაციაში ადასტურებენ.
ამასთან, სხდომას დაესწრებიან მთავრობის ის წევრებიც, რომლებიც უშიშროების საბჭოს შემადგენლობაში შედიან.
შეგახსენებთ, რომ საქართველოს პრეზიდენტის მოწვევით, საქართველოს ეროვნული უშიშროების საბჭოს სხდომა 30 მაისს, 15:00 საათზე, საქართველოს პრეზიდენტის რეზიდენციაში გაიმართება.