საქართველოს პრემიერ-მინისტრი გიორგი კვირიკაშვილი მოქალაქეებს არჩევნების მეორე ტურზე მისვლისკენ მოუწოდებს. მისი თქმით, “ქართულ ოცნებას” არც ერთი უპასუხისმგებლო დაპირება არ გაუცია.
“ძალიან დიდი იმედი მაქვს, რომ ჩვენი მომხრეები ძალიან მობილიზებულად მივლენ არჩევნებზე. დემოკრატიის წყარო საქართველოში არის ხალხი, ჩვენი მოსახლეობა და მინდა მოვუწოდო ყველა ჩვენს მოქალაქეს, რომ შეასრულონ საკუთარი მოქალაქეობრივი ვალი, მივიდნენ მეორე ტურის არჩევნებზე, გამოხატონ საკუთარი ნება და შემდეგ აუცილებლად მოგვთხოვონ ჩვენ ის დაპირებების შესრულება, რომელიც ჩვენ გავეცით წინასაარჩევნო პერიოდში. არც ერთი უპასუხისმგებლო დაპირება ჩვენ არ გაგვიცია, ამაზე ვარ პასუხისმგებელი, რასაც ახლა ვამბობ”,- განაცხადა გიორგი კვირიკაშვილმა “ქრონიკის” ეთერში.
