საქართველოს ცენტრალური საარჩევნო კომისიის თავმჯდომარე გიორგი კალანდარიშვილი დელეგაციასთან ერთად ყაზახეთში მიმდინარე საპარლამენტო არჩევნებს აკვირდება.
„რამდენიმე უბანზე დაკვირვება, ისევე როგორც ის, რომ წინასაარჩევნო პერიოდში სხვადასხვა კომპონენტზე დაკვირვების შესაძლებლობა არ გვქონია ჩვენი მანდატიდან გამომდინარე, ბუნებრივია, ვერ იძლევა მთლიანი პროცესის შეფასების შესაძლებლობას, თუმცა არჩევნების ადმინისტრირების ხარისხთან მიმართებით ჩვენი შეფასებები ნამდვილად პოზიტიურია“, — განაცხადა ცესკოს თავმჯდომარემ.
