თბილისის საქალაქო სასამართლოში 20 ივნისის საქმეზე გიორგი გახარიას პროცესი მიმდინარეობს — დღევანდელ სხდომაზე დაზარალებულ ჟურნალისტებს დაკითხავენ.
ყოფილი შინაგან საქმეთა მინისტრისა და პარტია „გახარია საქართველოსთვის“ ლიდერის სასამართლო განხილვა მისი მონაწილეობის გარეშე ტარდება, ვინაიდან გახარია ძებნაში იმყოფება. მას სამსახურებრივი უფლებამოსილების გადამეტებასა და ჯანმრთელობის განზრახ მძიმე დაზიანებას ედავებიან, რაც 13 წლამდე პატიმრობას ითვალისწინებს.
