საქართველოს პროკურატურამ ყოფილი პრემიერ-მინისტრის, „გახარია საქართველოსთვის“ ლიდერის, გიორგი გახარიას მიმართ სისხლის სამართლებრივი დევნა დაიწყო.
ამის შესახებ პროკურატურაში გამართულ ბრიფინგზე საქართველოს გენერალურმა პროკურორმა გიორგი გვარაკიძემ განაცხადა.
„საქართველოს პროკურატურამ, საქართველოს ყოფილი პრემიერ-მინისტრის, გიორგი გახარიას მიმართ სისხლის სამართლებრივი დევნა დაიწყო. საქმე ეხება საზოგადოებისთვის კარგად ცნობილ, 2019 წლის 20 -21 ივნისის და ჩორჩანას ეპიზოდებს“,- განაცხადა გვარაკიძემ.
