სამუშაო ვიზიტის ფარგლებში საქართველოს შინაგან საქმეთა მინისტრი სტამბოლში თურქ კოლეგას შეხვდა. ინფორმაციას შინაგან საქმეთა სამინისტრო ავრცელებს.
შეხვედრაზე გიორგი გახარიამ და სულეიმან სოილუმ ორი ქვეყნის სამართალდამცავ უწყებებს შორის არსებულ თანამშრომლობაზე, ასევე ორგანიზებული დანაშაულის, მათ შორის ქურდული სამყაროს წინააღმდეგ ბრძოლაში მიღწეულ შედეგებზე ისაუბრეს.
აუდიენციის მიღმა არც სამომავლო თანამშრომლობის გეგმები დარჩენილა. ყურადღება დაეთმო, როგორც ორგანიზებული ტრანსსასაზღვრო დანაშაულის წინააღმდეგ ბრძოლას, ასევე ქვეყნებს შორის უსაფრთხოების განმტკიცებას.
