გიორგი გახარია – შავ ზღვაზე რუსეთის გაძლიერების ფონზე, ნატო-ს წარმომადგენლობა არის კრიტიკულად მნიშვნელოვანი

region
ავტ.: region ოქტომბერი 3, 2019 16:19

გიორგი გახარია – შავ ზღვაზე რუსეთის გაძლიერების ფონზე, ნატო-ს წარმომადგენლობა არის კრიტიკულად მნიშვნელოვანი

ნატო-სთან მტკიცე ურთიერთობა არის საქართველოს საგარეო პოლიტიკისა და მისი უსაფრთხოების საფუძველი, – ამის შესახებ საქართველოს პრემიერ-მინისტრმა, გიორგი გახარიამ ბათუმში, ნატო-საქართველოს კომისიის სხდომის გახსნისას, მისასალმებელი სიტყვის დროს განაცხადა.

„ეს არის ატლანტიკური საბჭოს მეხუთე ვიზიტი საქართველოში, რაც პირდაპირ მიუთითებს ნატო-ს მიერ საქართველოს მხარდაჭერაზე, რისთვისაც საქართველოს მთავრობის სახელით გიხდით მადლობას. მინდა, ასევე ნატო-ს თითოეულ წევრს ვუთხრა მადლობა, რამეთუ მხარს უჭერთ საქართველოს ტერიტორიულ მთლიანობასა და დამოუკიდებლობას საერთაშორისოდ აღიარებულ საზღვრებში, ასევე რაც ყველაზე მნიშვნელოვანია, ჩვენი დემ​​ოკრატიული ინსტიტუტების განვითარებას. ნატო-სთან მტკიცე ურთიერთობა არის საქართველოს საგარეო პოლიტიკისა და მისი უსაფრთხოების საფუძველი. ეს ვიზიტი, რომელიც ხორციელდება ბათუმში, არის სიმბოლური, რამეთუ ახლახანს ნატო-სა და საქართველოს თანამშრომლობაში გაჩნდა ახალი სივრცე, რომელიც ეხება შავი ზღვის უსაფრთხოებას. ჩვენ ყველას გვესმის, რომ უსაფრთხო შავი ზღვა არის უსაფრთხო ევროატლანტიკური სივრცის გარანტია და მას შემდეგ, რაც ყირიმის ანექსიის შედეგად მოხდა რუსეთის გაძლიერება შავი ზღვის სივრცეში, რა თქმა უნდა, ნატო-ს წარმომადგენლობა შავ ზღვაში არის კრიტიკულად მნიშვნელოვანი“, – განაცხადა გიორგი გახარიამ.

region
ავტ.: region ოქტომბერი 3, 2019 16:19

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,914
ვიზიტორი
დღეში
Powered By Google Analytics