გიორგი გახარია – საქართველოში პოლიტპატიმრები არ არსებობდნენ და არ არსებობენ, თუმცა…

გიორგი გახარია – საქართველოში პოლიტპატიმრები არ არსებობდნენ და არ არსებობენ, თუმცა დღევანდელი ხელმძღვანელობის არათანმიმდევრულმა პოლიტიკამ მიშელის შეთანხმებაში გააჩინა ჩანაწერი პოლიტიკურად მოტივირებულ მართლმსაჯულებაზე

ამის შესახებ პარტია „საქართველოსთვის” თავმჯდომარემ გიორგი გახარიამ “ამერიკის ხმასთან” ინტერვიუში განაცხადა.

“მე დღესაც ვთვლი, რომ საქართველოში პოლიტპატიმრები არ არსებობდნენ და არ არსებობენ. პოლიტპატიმრებთან კონტექსტში, რა თქმა უნდა, არ ვეთანხმები და მე ეს პოზიცია დღესაც დავაფიქსირე. მე პრემიერობიდან თუ გადავინაცვლე სხვა პოლიტიკურ სივრცეში, ოპოზიციაში დღეის მდგომარეობით, ეს არ ნიშნავს იმას, რომ მე პოზიციებს ვიცვლი ერთ დღეში, ერთ თვეში. ეს ესე არ ხდება.

მაშინაც ვთვლიდი და ახლაც ვთვლი, რომ პოლიტპატიმრები საქართველოში არ ყოფილან. უბრალოდ მმართველი პარტიის, დღევანდელი ხელმძღვანელობის არათანმიმდევრულმა და ხშირ შემთხვევაში უგუნურმა პოლიტიკამ მიგვიყვანა იქამდე, რომ შარლ მიშელის შეთანხმებაში გაჩნდა ჩანაწერი პოლიტიკურ მართლმსაჯულებასთან დაკავშირებით, პოლიტიკურად მოტივირებულ მართლმსაჯულებასთან დაკავშირებით. არ შეიძლება პოლიტიკური პარტიის ლიდერი დააკავო სპეციალური საშუალებებით, როცა პარტიის შენობაში შეიჭრნენ, როდესაც ამის არანაირი აუცილებლობა არ არსებობდა და იგივე მიზნის მიღწევა შესაძლებელი იყო ბევრად უფრო ცივილიზებული გზით, უბრალოდ, აი ამ არაგონივრული ქმედებით დაადასტურეს ის, რაც აღქმებში, საერთოდ ბუნებაში არ არსებობდა. სენატორ რიშთან ამ თემასთან დაკავშირებით მქონდა ძალიან ხანგრძლივი საუბარი და ჩვენ მივედით იმ დასკვნამდე, რომ დღეს რაც ხდება, რატომ გახდა ამნისტია საჭირო? როგორ წარმოგიდგენიათ თქვენ, ნიკა მელია მაგალითად, პერსონალიებზე არ არის აქ საუბარი. პოლიტიკური პარტიის ლიდერი, რომელიც კონკრეტულ ვითარებაში მოუწოდებდა მოქალაქეებს პარლამენტში შტურმისკენ, ამაზე შემდგომ აბსოლუტურად ლეგიტიმურად იყო სისხლის სამართლის საქმე აღძრული და დღეს ოცნებამ, მმართველი პარტიის დღევანდელმა ხელმძღვანელობამ მიაღწია იმას, რომ ნიკა მელია ამნისტირებულია სრული იმუნიტეტით და დღეს დასეირნობს, დარბის, ვარჯიშობს ვაშინგტონში”. – განაცხადა გიორგი გახარიამ

რეკლამის ბანერი
წინა სტატიაშიღარიბაშვილი – კონკურენციის სააგენტო მედიკამენტების ფასით დაინტერესებულია და ამ პროცესს კიდევ უფრო დავაჩქარებ
შემდეგი სტატიაირაკლი ღარიბაშვილი ნამახვანჰესზე – ეს პროექტი მე მემკვიდრეობით დამხვდა, ჩვენი პრინციპული პოზიციაა, რომ პირობები უნდა გადაიხედოს