ეს იყო ერთი პრივილეგირებული ბიზნესმენის მცდელობა, პარლამენტი ტრიბუნიდან ჭორაობით იმუნიტეტის მოპოვების, – ასე უპასუხა შინაგან საქმეთა მინისტრმა, გიორგი გახარიამ ჟურნალისტებს, რომლებმაც დღეს „თიბისი ბანკის დამფუძნებლის“ მამუკა ხაზარაძის განცხადებაზე ჰკითხეს.
„მე წერილებს არ ვწერ, მე სათქმელს პირდაპირ ყველას პირში ვეუბნები“, – განაცხადა შს მინისტრმა.
ამასთან, გახარიას თქმით, ის ყოველთის მზად არის პარლამენტში მისასვლელად.
„თიბისი ბანკის“ დამფუძნებელმა კომიტეტის სხდომაზე განაცხადა, რომ საპრეზიდენტო არჩევნების მეორე ტურის წინ, ერთ-ერთი მაღალჩინოსნისგან მიიღო მუქარის წერილი, სადაც მათი რეპუტაციის დანგრევაზე იყო საუბარი. ამავე საკითხზე დეპუტატ ირმა ნადირაშვილის კითხვის პასუხად ხაზარაძემ განაცხადა, რომ წერილი შინაგან საქმეთა მინისტრ გიორგი გახარიასგან იყო.