შინაგან საქმეთა მინისტრი, გიორგი გახარია გურჯაანში, „ჯეო ჰოსპიტალში“ აქციაზე დაშავებული პოლიციელების მოსანახულებლად მივიდა.
„ჯეო ჰოსპიტალში“ ექვსი პოლიციელია მოთავსებული, რომელთაც სხვადასხვა სახის დაზიანებები აღენიშნებათ.
ამასთან, ველისციხესთან დაშავებული პოლიციელი თელავის რეფერალურ საავადმყოფოდან უკვე გაწერეს.
გურჯაანში ვითარება დილიდან რამდენჯერმე დაიძაბა. „ნაციონალური მოძრაობის“ აქციის მონაწილეები სამართალდამცველების მიერ გადაკეტილი გზის გახსნას და თელავისკენ გადაადგილებას ცდილობდნენ.