გიორგი გახარია: არ ვიცეკვოთ პოლიტიკური ცეკვები კამერების წინ!

შინაგან საქმეთა მინისტრმა, გიორგი გახარიამ, შინაგან საქმეთა სამინისტროს
რეფორმირების პროცესში, დროებითი მოთავსების იზოლატორების განვითარების
კომპონენტზე ისაუბრა, – ამის შესახებ საქართველოს შინაგან საქმეთა მინისტრმა გიორგი გახარიამ პარლამენტში გამოსვლისას განაცხადა.
„კიდევ ერთი მიმართულება გახლავთ დროებით მოთავსების იზოლატორები, სადაც
ინფრასტრუქტურულ ნაწილში ფაქტობრივად გადახალისდა მათი კომპონენტი. დღეის
მდგომარეობით, როგორც ჩვენ თავიდანვე დაგპირდით, არ არსებობს არცერთი
დროებითი მოთავსების იზოლატორი, სადაც ვიდეო-სამეთვალყურეო სისტემა სრულად
არ ფუნქციონირებდეს. უფრო მეტიც, დღეის მდგომარეობით, 24 საათის მაგივრად
ვიდეო-სამეთვალყურეო სისტემის მონაცემები ინახება 120 საათის განმავლობაში.
ასევე დროებით მოთავსების იზოლატორების ნაწილში, ჩვენ გვქონდა გარკვეული
პრობლემები, მუდმივი სამედიცინო მომსახურების კონტექსტში. 7-დან გაიზარდა
14-მდე ის დაწესებულებები, სადაც უკვე არსებობს მუდმივი სამედიცინო
მომსახურეობა, ხოლო წლის ბოლომდე, 2019-ის ბოლომდე, ყველა – 29-ვე
დაწესებულებაში, იქნება მუდმივი სამედიცინო მომსახურეობა, რაც კრიტიკულად
მნიშვნელოვანია ჩვენი მოქალაქეებისთვის. ასევე მინდა აღვნიშნო, რომ
რუსთავის დროებითი მოთავსების იზოლატორში, გაჩნდა არასრულწლოვნებისთვის
სპეციალური სივრცე. რაც ყველაზე მნიშვნელოვანია ჩვენთვის, ინფრასტრუქტურულ
ნაწილში 2019 წელს, თბილისში დაიწყება ახალი დროებითი მოთავსების
იზოლატორის მშენებლობა, რომელიც განთავსდება ავჭალაში და რომელიც გათვლილი
იქნება დაახლოებით 200 ადამიანზე.“ – განაცხადა გიორგი გახარიამ.

შინაგან საქმეთა მინისტრ გიორგი გახარიას პარლამენტში, პლენარულ სხდომაზე,
როგორც უმრავლესობის, ისე უმცირესების  წარმომადგენლები უსმენენ. გიორგი
გახარიამ დეპუტატებს მადლობა გადაუხადა შესაძლებლობისთვის და ასევე,
განაცხადა რომ მისთვის არასდროს ყოფილა პარლამენტში მისვლა პრობლემა.
  „ ბატონო თავმჯდომარე, პატივცემულო პარლამენტარებო, ქალბატონებო და
ბატონებო, მინდა მადლობა გადაგიხადოთ შესაძლებლობისთვის კიდევ ერთხელ
მოგმართოთ თქვენ, საქართველოს პარლამენტს და მინდა გითხრათ აბსოლუტურად
გულწრფელად, რომ ჩვენთვის არასოდეს ყოფილა პრობლემა პარლამენტში მოსვლა.
ჩვენ არასოდეს შეგვშინებია მწვავე კითხვებისთვის და მწვავე დისკუსიების.
რაც მთავარია, ჩვენ ყოველთვის გვესმოდა პარლამენტის მაკონტროლებელი ფუნქცია
და პატივს ვცემთ ინტიტუტებს. სწორედ ამიტომ, დღეს აქ ვართ, რომ პასუხი
გავცეთ ერთი წლის განმავლობაში დაგროვილ მწვავე შეკითხვებს. აბსოლუტურად
მზად ვართ ასევე, დისკუსიისთვის.
ზუსტად 1 წლის წინ, ჩვენ აქ ავიღეთ გარკვეული  ვალდებულებები  2018 წელზე
და თავს ვალდებულად ვთვლით, გარკვული ანგარიში ჩავაბაროთ პარლამენტს.
გპირდებით, რომ ეს იქნება სტრუქტურირებული, ძალზედ მოკლე, კონკრეტულ
შედეგებზე და კონკრეტულ გეგმებზე ორიენტირებული მოხსენება.
ჩვენ დღეს აქ    ვიმყოფებით შინაარსობრივი დისკუსიისთვის, მწვავე
დისკუსიისთვის და არა პოლიტიკური ცეკვებისთვის  კამერების წინ და არც
ფსევდო ინტელექტუალური, ფუჭი, უმიზნო დებატებისთვის. იმედი მაქვს, რომ ამ
რეჟიმში ჩვენ შევძლებთ დავამყაროთ დიალოგი იმისთვის, რომ გამოვავლინოთ
რეალური გამოწვევები, როგორც სამინისტროს ასევე, ქვეყნის უსაფრთხოების
წინაშე.
ჩვენ საუბარი დავიწყეთ ერთი წლის წინ და მაშინ განვაცხადეთ, რომ
აუცილებლობას ვხედავთ სისტემური რეფორმირების და ამ რეფორმირების ნაწილში,
ჩვენ გამოვყავით რამდენიმე ძირითადი მიმართულება: ეს გახლავთ შინაგან
საქმეთა სამინისტროს სტრუქტურული რეფორმირება, შინაარსობრივი რეფორმა,
საკანონმდებლო რეფორმა და რა თქმა უნდა, ინფრასტრუქტურა.  ამიტომ, მე
აბსოლუტურად მოკლედ ვეცდები მოგახსენოთ 2018 წლის კონკრეტული მიღწეული
შედეგები, რომელიც უკვე გვაქვს და ის კონკრეტული მიზნები, რომელიც 2019
წლისთვის გვაქვს დასახული.“ – განაცხადა გიორგი გახარიამ.

 

ვირუსის ბლოკატორები