გიგი უგულავა: “სადაც თენგიზ კიტოვანი დგას, იქ საქართველო არ დგას, სადაც ტრისტან წითელაშვილი დგას, იქ საქართველო არ დგას”

“სადაც თენგიზ კიტოვანი დგას, იქ საქართველო არ დგას, სადაც ტრისტან წითელაშვილი დგას, იქ საქართველო არ დგას” – ასე გამოეხმაურა ფოთში ოპოზიციის მერობის საერთო კანდიდატი, გიგი უგულავა დღეს რუსთავის სასჯელაღსრულების დაწესებულებასთან გამართულ აქციას, სადაც მიხეილ სააკაშვილის მოწინააღმდეგეები შეიკრიბნენ.

გადაცემაში საუბრის დროს გიგი უგულავამ თქვა, რომ მსხვერპლის ეპოქებად დაყოფა არ შეიძლება.

“მე ერთმანეთისგან მინდა ორი რაღაც დავყო. ჩემთვის პრინციპულად მიუღებელია მსხვერპლის ეპოქებად დაყოფა. ყველას მინდა გულწრფელი ბოდიში მოვუხადო, ვისაც უნებლიედ ვატკენინე, თუ ვაწყენინე. თუ რამე ჩვენ არასწორად გავაკეთეთ, საზოგადოება მოგვცემს შანსს, რომ ჩვენვე გამოვასწოროთ…

ვერ დავყოფ ვერც მოლაშვილის ოჯახის ტკივილს და ვერც მაჩალიკაშვილის. ფაქტი ერთია, რომ ჩვენ გვაქვს სისტემა, რომლის სათავეში ერთი ადამიანი მოექცევი, მერე მეორე და ეს სისტემა კლავს ხნავს….

რა მნიშვნელობა, აქვს ერთი ქვეყნის შვილები ვართ ხელისუფლების და სახელმწიფოს სახელით ჩადენილი ტრაგედია ტრაგედიაა, მაგრამ მეორეს მხრივ ხომ ვხედავთ, რომ სადაც თენგიზ კიტოვანი დგას, იქ საქართველო არ დგას, სადაც ტრისტან წითელაშვილი დგას, იქ საქართველო არ დგას”,-თქვა გიგი უგულავამ.

წინა სტატიაშიმიხეილ სააკაშვილის მორიგი მიმართვა ციხიდან
შემდეგი სტატიავაშინგტონი ძალიან ახლოს და ყურადღებით ადევნებს თვალს საქართველოში მიმდინარე პროცესებს, განსაკუთრებით არჩევნების მეორე ტურის წინ