გიგი უგულავა ქეთევან წამებულის ქუჩაზე მომხდარ უბედურ შემთხვევაზე პასუხისმგებლობას დედაქალის მერიას და “ყაზტრანსგაზ თბილისს“ აკისრებს

მნიშვნელოვანი

• გიგი უგულავა ქეთევან წამებულის ქუჩაზე მომხდარ უბედურ შემთხვევაზე პასუხისმგებლობას დედაქალის მერიას და “ყაზტრანსგაზ თბილისს“ აკისრებს

სხვა სტატიები

• საავტომობილო გზებზე სპეციალური რეჟიმები მოქმედებს
• პრეზიდენტი რუსეთის მხრიდან ოკუპირებულ ტერიტორიებთან გაფორმებულ შეთანხმებებს მასკარადს უწოდებს
• თორნიკე შარაშენიძე: თუკი ყველაფერი რაც იქ მოვისმინე სიმართლეა, მაშინ საშიში ისეთი ნამდვილად არაფერია

თბილისის ყოფილი მერი გიგი უგულავა ქეთევან წამებულის ქუჩაზე მომხდარ უბედურ შემთხვევაზე პასუხისმგებლობას დედაქალის მერიას და “ყაზტრანსგაზ თბილისს“ აკისრებს.

“ერთი რამ ფაქტია, „ყაზტრანსგაზი“, თბილისის გაზის კომპანია რჩება კანტორად და სანამ ეს მფლობელები იქნებიან, რომლებიც სახელმწიფოს მიერ არის დანიშნული, სანამ ის ხელმძღვანელობა იქნება, რომელიც მერს აწყობს და არა საქმეს, მანამდე ეს კომპანია იქნება კანტორა. მე არ მინდა ახლა ხელი გავიშვირო, რადგან 7 ადამიანია დაღუპული და ამ კორპუსში წევს. თუ გვინდა სიტუაცია გამოსწორდეს, ეს კომპანია კომპანია უნდა გახდეს და არა საბჭოთა გაზის კანტორა, სადაც არავინ არაფერზე აგებს პასუხს.

არსებობს უამრავი მეთოდი, გაზის დეტექტორები და არ ღირს ძვირი, რომელიც შეიძლება კომპანიამ შეიძინოს ან თვითონ მერიამ მოიკვლიოს, შეიძინოს და საჩუქრად გადასცეს მოსახლეობას, სულ 300 ათასი აბონენტია თბილისში. სხვანაირად ჩვენ ვიქნებით უკან მიდევნებული ლამპარივით, ვსდევთ სიკვდილს, რომელიც ჩვენს ქალაქში ხან ერთ, ხან მეორე კორპუსში დაისადგურებს“, – განაცხადა უგულავამ.