გიგი უგულავა კარანტინის წესების დარღვევისთვის 2 000 ლარით დაჯარიმდა

გიგი უგულავა იზოლაციისა და კარანტინის წესების დარღვევისთვის, ადმინისტრაციულ სამართალდარღვევათა კოდექსის 42-ე პრიმა-10 მუხლის მიხედვით 2 000 ლარით დაჯარიმდა. ამის შესახებ ინფორმაცია საქართველოს პირველ არხს შსს-ს პრესსამსახურში დაუდასტურეს.

გიგი უგულავა, რომელსაც 7 ოქტომბერს კორონავირუსი დაუდასტურდა, 14 ოქტომბერს თავისუფლების მოედანზე გამართულ აქციაზე სიტყვით გამოვიდა და აღნიშნა, რომ ამის უფლება ექიმებმა მისცეს.

მოგვიანებით, უგულავამ განაცხადა, რომ თავისუფლების მოედანზე მისვლისას და აქციაზე სიტყვით გამოსვლისას ამერიკული პროტოკოლით იმოქმედა. „ამ თემაზე უკვე დავდე პოსტი განმარტება. შეგიძლიათ, იხელმძღვანელოთ, მეტს ვერაფერს დავამატებ, გარდა იმისა, რომ ამერიკის პროტოკოლით, აცრილზე 7-8 დღეა. მე ამით ვხელმძღვანელობ და არა ამ აფერისტების მიერ მოგონილი დრაკონული სისულელეებით“, – აღნიშნა გიგი უგულავამ.

banner
წინა სტატიაშიადვოკატი – დეკანოზ გიორგი მამალაძეს დანაშაულის აღიარების სანაცვლოდ შეწყალებას სთავაზობენ
შემდეგი სტატიამანჯგალაძე – კალაძეს და „ოცნებას“ ძალიან გაუჭირდა და ელექტორატის მომხრობას ცდილობენ