ეუთოს საპარლამენტო ასამბლეის პრეზიდენტმა, გიგი წერეთელმა ეუთოს მინისტერიალის მონაწილეებს სიტყვით მიმართა. ონლაინ ფორმატის შეხვედრას ორგანიზაციის 57 ქვეყნის საგარეო საქმეთა მინისტრები, ელჩები და ეუთოს ლიდერები დაესწრნენ.
გიგი წერეთელმა თავის გამოსვლაში ეუთოს სივრცეში არსებულ პრობლემებზე და გამოწვევებზე ისაუბრა და აღნიშნა, რომ „რკინის ფარდის“ დაცემის შემდეგ კვლავაც ადგილი აქვს ერთმანეთისგან დაშორიშორებას და ურთიერთნდობას.
„მთელი ამ წლების განმავლობაში ეუთომ უამრავი მცდელობა გამოავლინა მისი ეფექტურობის ასამაღლებლად, მაგრამ დღეს, ალბათ, უფრო შორს ვართ ერთიანობისგან და ურთიერთნდობისგან, ვიდრე ოდესმე “რკინის ფარდის” დაცემის შემდეგ.
ისევ და ისევ, გასული ათწლეულების განმავლობაში ეუთოს ტერიტორიაზე ჩვენ განვიცდით ომებს, შეიარაღების კონტროლის შესუსტებას, ოპოზიციური მოძრაობების სასტიკ რეპრესიებს. ჩვენ ვნახეთ თავდასხმები თავისუფალ სიტყვას და თავისუფალ მედიაზე, მანკიერი არჩევნები, მზარდი შეუწყნარებლობა და დისკრიმინაცია, აგრეთვე სხვა ღრმა განხეთქილებები და პოლემიკა ჩვენს საზოგადოებებში. სამწუხაროდ, შესამჩნევია ექსტრემისტული ჯგუფები და, ისევ და ისევ, დამანგრეველი ტერაქტები.
კითხვა, რომელიც დღეს უნდა დავსვათ, არ არის შემდეგი: გაამართლა ეუთო-მ ოცდაათი წლის წინ შექმნილი მოლოდინები? კითხვაა: ყველამ – მონაწილე სახელმწიფოების მთავრობებმა – პრაქტიკაში შეასრულეს დაპირებები, რომლებიც მათ გასული ოცდაათი წლის განმავლობაში გასცეს?
პარლამენტარებისთვის და ჩემთვის, როგორც ეუთოს საპარლამენტო ასამბლეის პრეზიდენტისთვის, ეს არის ძალიან ლეგიტიმური კითხვა, რომელიც უნდა დაისვას. როგორც 57 მონაწილე სახელმწიფოს საგარეო საქმეთა მინისტრებს, შეგიძლიათ თქვათ, რომ თქვენი პოლიტიკა და ქმედებები ყოველთვის შეესაბამება ეუთოს ვალდებულებებს?
რამდენად დიდი ყურადღება ექცევა ეუთოს პრინციპებისა და ვალდებულებების შესრულებას მთავრობების მიერ და თქვენი ქვეყნების შიგნით? და რამდენად დიდ ინტერესს გამოხატავენ ისინი ეუთოს მიერ ჩვენი მოქალაქეების კეთილდღეობისთვის? ორგანიზაციაში, რომელშიც თითოეული მონაწილე ანგარიშვალდებულია სხვების წინაშე, რა თქმა უნდა, ლეგიტიმური და აუცილებელია იმ საკითხების მოგვარება, სადაც ვერ ვხედავთ ეუთოს და სხვა საერთაშორისო სტანდარტების დაცვას. ჩვენ, როგორც ეუთოს საპარლამენტო ასამბლეა, ამაზე ძალიან ღიად ვაცხადებთ. იქნება ეს სუვერენიტეტისა და ტერიტორიული მთლიანობის დარღვევა ისეთ ქვეყნებში, როგორიცაა უკრაინა და საქართველო, უმცირესობების უფლებები, დემოკრატიული უკუსვლა ან ადამიანის უფლებების შელახვა.
საშინელებაა, როდესაც ვხედავთ, რომ მშვიდობიანი მომიტინგეები სცემენ ან კლავენ, რადგან მთავრობები ხელისუფლებას ეჭიდებიან. სწორია ამის თქმა ხმამაღლა და გარკვევით.ჩვენ ისეთივე კრიტიკული უნდა ვიყოთ საკუთარი თავის მიმართ, როგორც ჩვენი პარტნიორების მიმართ. და რაც მთავარია, უნდა ვკითხოთ საკუთარ თავს, ინდივიდუალურად ვუწყობთ ხელს თუ არა ნდობის აღდგენას და თანამშრომლობას ეუთოს სივრცეში“, – განაცხადა გიგი წერეთელმა.
