ზუგდიდის მუნიციპალიტეტის საკრებულოს თავმჯდომარის- გიგა ფარულავას ინიციატივით, საკრებულო საკუთარი ბიუჯეტის ეკონომიიდან, ზუგდიდის მუნიციპალიტეტის მერიას 40 000 ლარის ფინანსურ რესურს გადასცემს, რაც ითვალისწინებს ფრაქცია “ზუგდიდი საქართველოსთვის” მიერ წარდგენილ ინიციატივას, რომელიც სოფელ ორსანტიაში ევროპის ქუჩის, ევროპის ქუჩის პირველი შესახვევის, ერეკლე მეორის, ტაბიძისა და სოფელ ნარაზენში სამეგრელოს ქუჩების ბეტონის / ასფალტის საფარის პროექტირების ხარჯებს მოხმარდება.
“მიუხედავად „ოცნებისა“ და „ნაციონალური მოძრაობის” მხრიდან ზუგდიდის მუნიციპალიტეტის საკრებულოსადმი გამოცხადებული ბოიკოტისა, ვაცნობიერებთ საზოგადოების წინაშე ნაკისრ პასუხისმგებლობას და მოქალაქეთა ინტერესების საფუძველზე საკრებულოს ბიუჯეტის ეკონომიიდან ზუგდიდის მუნიციპალიტეტის მერიას გადაეცემა 40 000 ლარის ფინანსური რესურსი, რომელიც უნდა მოხმარდეს ფრაქცია „ზუგდიდი საქართველოსთვის“ ინიციატივის საფუძველზე სოფელ ორსანტიაში ევროპის ქუჩის, ევროპის ქუჩის პირველი შესახვევის, ერეკლე მეორის, ტაბიძისა და სოფელ ნარაზენში სამეგრელოს ქუჩების ბეტონის / ასფალტის საფარის პროექტირების ხარჯებს.
მოვუწოდებთ ,,ოცნებასა” და ,,ნაცებს” იგრძნონ პასუხისმგებლობა და დაესწრონ საკრებულოს სხდომებს!”- ზუგდიდი მუნიციპალიტეტის საკრებულოს თავმჯდომარე გიგა ფარულავა
