პარტია „გახარია საქართველოსთვის“ დეპუტატმა, გიგა ფარულავამ ჟურნალისტებთან განაცხადა, რომ კათოლიკოს – პატრიარქ შიო III-ს წარმატებებს უსურვებს ქართველი ერის სულიერი გაძლიერების უმნიშვნელოვანეს მისიაში.
მან სრულიად საქართველოს და ქართულ მართლმადიდებლურ ეკლესიას ახალი პატრიარქის არჩევა მიულოცა.
გარდა ამისა, ის აქციებზე დაკავებულების შეწყალებასთან დაკავშირებით გარკვეული სასულიერო პირების განცხადებებს გამოეხმაურა და აღნიშნა, რომ მისასალმებელია, თუკი ეს პროცესი დაიწყება.
„დაველოდოთ, ჩვენ მხოლოდ მივესალმებით. ადამიანები, რომლებიც დღეს რეპრესიული პოლიტიკის შედეგად, სამწუხაროდ, უკანონოდ იხდიან სასჯელს, უნდა იყვნენ სახლში. ეს ადამიანები სჭირდება თავიანთ ოჯახებს, თავიანთ ქვეყანას გარეთ და არა გამოკეტილ საკანში. შესაბამისად, თუ დაიწყება ეს პროცესი და რა თქმა უნდა, ამას ექნება შედეგი, ჩვენ მხოლოდ მივესალმებით“, – განაცხადა ფარულავამ.
