გიგა ბოკერია : საკუთარი გარემოცვის გარდა, ბიძინა ივანიშვილმა ყველას ცხოვრება გაართულა

ქეთი ფერაძე
ავტ.: ქეთი ფერაძე ნოემბერი 5, 2019 12:18

გიგა ბოკერია : საკუთარი გარემოცვის გარდა, ბიძინა ივანიშვილმა ყველას ცხოვრება გაართულა

ბიძინა ივანიშვილი ქველმოქმედებას ყოველთვის პოლიტიკური ქულების ჩასაწერად იყენებდა, – ამის შესახებ „ევროპული საქართველოს“ წევრმა, გიგა ბოკერიამ „ქართული ოცნების“ თავმჯდომარის, ბიძინა ივანიშვილის ინტერვიუს შეფასებისას განაცხადა.

როგორც გიგა ბოკერიამ განაცხადა, საკუთარი გარემოცვის გარდა, ბიძინა ივანიშვილმა ყველას ცხოვრება გაართულა.

„ბიძინა ივანიშვილი საზოგადოებას ეუბნება, რომ ერთხელაც მომატყუებინე თავი. სასაცილოა, ეს ყველაფერი დაკავშირებული რომ არ იყოს თითოეული მოქალაქის ცხოვრებაზე. საკუთარი გარემოცვის გარდა, ყველას ცხოვრება გაართულა. ახლა მოდის მთავარი არჩევნები, სადაც მისი ბედი უნდა გადაწყდეს და დარწმუნებული ვარ, ისე გადაწყდება, როგორც ჩვენ ქვეყანას სჭირდება. ახლა კიდევ გვეუბნება, რომ ერთხელაც მომატყუებინეთ თავი და აღარ მოტყუვდება ქართული საზოგადოება, ამ ადამიანის და მისი გარემოცვის ამ უტიფარი დაპირებებით. არა თუ ის დაპირებები არ შეასრულა, არამედ პირიქით, მთელი ქვეყანა შეიყვანა ჩიხში მისმა მავნებლურმა პოლიტიკამ. ეს კაცი ქველმოქმედებას პოლიტიკური ქულების ჩასაწერად იყენებდა ყოველთვის. ქველმოქმედებაა, როდესაც ამას აკეთებ უკუგების ინტერესის გარეშე. როცა პოლიტიკური კამპანიისთვის ხარჯავ შენ ფულს, ეს არა ქველმოქმედება, არამედ პოლიტიკური კამპანიაა. მას შეუძლია უსასრულოდ მოატყუოს ხალხი“, – განაცხადა გიგა ბოკერიამ.

ქეთი ფერაძე
ავტ.: ქეთი ფერაძე ნოემბერი 5, 2019 12:18

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


10,373
ვიზიტორი
დღეში
Powered By Google Analytics