„ევროპული საქართველოს“ ერთ-ერთი ლიდერი გიგა ბოკერია პროკურატურაში გამოკითხვაზე დაიბარეს. ამის შესახებ გიგა ბოკერიას ტელეფონით შეატყობინეს.
გიგა ბოკერიას თქმით საქმე არ ეხება ერთ კონკრეტულ გადაწყვეტილებას, არამედ მთლიანად მის საქმიანობას.
„ეს არის ძველი საქმე, რომელზეც ხუთი წელია ან უფრო მეტი, აღარ შევუწუხებივარ, არ გახსენებიათ. ახლა გაახსენდათ ამ კონკრეტულ პოლიტიკურ მომენტში.
ეს არის ძველი უშიშროების საბჭოს გამოძიება, რომელზეც ივანიშვილი საჯაროდაც საუბრობდა მაშინ და საჯაროდ იმუქრებოდა. მაშინ დამკითხეს ამაზე ვრცლად“, – განაცხადა გიგა ბოკერიამ.
