გიგა ბოკერია : მივიღეთ ინფორმაცია, რომ ხვალ ჯარის და პოლიციის დიდ ნაწილს არჩევნებში ხმის მიცემის შესაძლებლობა არ ექნება

news
ავტ.: news ოქტომბერი 7, 2016 13:34

გიგა ბოკერია : მივიღეთ ინფორმაცია, რომ ხვალ ჯარის და პოლიციის დიდ ნაწილს არჩევნებში ხმის მიცემის შესაძლებლობა არ ექნება

“ნაციონალური მოძრაობის“ ინფორმაციით, ხვალ ჯარის და პოლიციის დიდ ნაწილს არჩევნებში ხმის მიცემის შესაძლებლობა არ ექნება. განცხადება ამის შესახებ პარტრიის ერთ-ერთმა ლიდერმა გიგა ბოკერიამ გააკეთა. ბოკერიას განცხადებით, შესაბამისი ბრძანება თავდაცვის მინისტრმა უკვე გასცა. ბოკერიას მტკიცებით, ანალოგიური ვითარებაა პოლიციაშიც:

„ჩვენთვის ცნობილი გახდა ივანიშვილის და მისი გუნდის უკანონო, მავნებლური განზრახვის შესახებ. ახალი რეგულაციებით, ჯარისკაცების უდიდესი ნაწილი ხმას მისცემს არა სპეციალურ უბნებზე, არამედ, უნდა მისცემოდათ საშუალება, რომ ხმა მიეცა იქ, სადაც ჩაწერილი იყო, საკუთარ მისამართზე. ჩვენს მიერ მოპოვებული ინფორმაციით, სამხედრო ნაწილებში ორი დღის წინ მივიდა მინისტრ ლევან იზორიას ზეპირი ბრძანება, რომ არ აინტერესებს კანონის მოთხოვნები და უდიდესი ნაწილი ჯარისკაცების დარჩებიან საკუთარ ნაწილებში, რის შედეგადაც მათ არჩევნებში მონაწილეობის შესაძლებლობა არ მიეცემათ. იდენტური ვითარებაა რიგით პოლიციელებთან მიმართებაში, სადაც, ჩვენი ინფორმაციით, მიღებულია გადაწყვეტილება, რომ დილის 08:00 საათიდან, 22:00 საათამდე მათი დიდი ნაწილი გადაყვანილი იქნებიან ყაზარმულ მდგომარეობაზე, მათაც არ მიეცემათ საკუთარი კონსტიტუციური უფლების განხორციელების შესაძლებლობა“, – განაცხადა გიგა ბოკერიამ.

news
ავტ.: news ოქტომბერი 7, 2016 13:34

Google სტატისტიკა


58,429
ვიზიტორი
დღეში
Powered By Google Analytics