არა მგონია, რომ ჩვენი მთავრობა მატყუარა იყოს, თუ რაიმე გაუგებრობას ჰქონდა ადგილი, ეს უნდა აღმოიფხვრას, თორემ ის რომ ვინმემ ვიღაცა სპეციალურად მოატყუა, არა მჯერა, – ამის შესახებ ჟურნალისტებს საპარლამენტო უმრავლესობის წევრმა გია ჟორჟოლიანმა იმ კითხვის საპასუხოდ განუცხადა, რომ არჩევნების თარიღის დანიშვნასთან დაკავშირებით პრეზიდენტი მთავრობის მიერ შეცდომაში იქნა შეყვანილი.
გია ჟორჟოლიანი იმედოვნებს, რომ არჩევნების თარიღთან დაკავშირებთ არავითარი ჩიხური სიტუაცია არ შეიქმნება და საკითხი მშვიდობიანად დარეგულირდება.
„გადაწყვეტილება არჩევნების თარიღთან დაკავშირებით მიღებულია. ვფიქრობ, ეს არ შეიცვლება. რაც შეეხება იმ ვითარებას, რომ კომფორტული გარემო შეიქმნას, ერთი მხრივ არჩევნებში მონაწილე სუბიექტებს შორის, მეორე მხრივ, მოქალაქეებისთვის, რათა მათ არ დაერღვეთ ცხოვრების ნორმალური რიტმი და 6 თვის განმავლობაში, მათ შორის მედია, არ იყოს რეგულაციების პირობებში, ასე ეს ქვეყანა ვერ იცხოვრებს. იმედი მაქვს კონსენსუსი იქნება მიღწეული და ნორმალური ვადა იქნება არჩევნების სუბიექტებისთვის“, – განაცხადა გია ჟორჟოლიანმა.
