საპარლამენტო უმრავლესობის წევრი გია ვოლსკი მიიჩნევს, რომ უმრავლესობის სხდომის გამართვა არ ჭიანურდება, ვინაიდან შეხვედრა მხოლოდ შეხვედრისთვის არ უნდა ჩატარდეს. ასე უპასუხა ვოლსკიმ ჟურნალისტის შესაბამის კითხვას.
“არ ჭიანურდება. შეხვედრა შეხვედრისთვის ხომ არ ჩატარდება?! უმრავლესობის შეხვედრას საკმაოდ საინტერესო დღის წესრიგი გააჩნია. გვაქვს თემატური, მნიშვნელოვანი საკითხები განსახილველი და რასაკვირველია ურთიერთობების თემაც მნიშვნელოვანია“, – განაცხადა ვოლსკიმ.
შეგახსენებთ, რომ “ქართულ ოცნებაში“ დაპირისპირების შემდეგ უმრავლესობის სხდომა 19 აპრილს ჩაინიშნა, თუმცა მოგვიანებით ცნობილი გახდა, რომ გაურკვეველი ვადით გადაიდო. სხდომა ამ დრომდე არ გამართულა.