დეპუტატი და ქართული ოცნების წევრი, გია ვოლსკი ფიქრობს, რომ საკონსტიტუციო სასამართლო მომავალში პოლიტიკური გავლენებისგან თავისუფალი იქნება. ვოლსკი დღეს კვლავ სასამართლოს ყოფილ თავმჯდომარეს, გიორგი პაპუაშვილს, აკრიტიკებს და აცხადებს, რომ პაპუაშვილმა სასამართლოს ავტორიტეტი დააზიანა.
“საკონსტიტუციო სასამართლოს იმიჯი და ავტორიტეტი სერიოზულად დაზიანდა იმ ხელმძღვანელის მიერ, რომელიც ერთ კონკრეტულ პარტიას ემსახურებოდა. ყველა უნდა იყოს განწყობილი იმისათვის, რომ აღარ მივიღოთ ის წარსული, რაც გვქონდა და მომავალში იყოს ეს სტრუქტურა დამოუკიდებელი ყველა გავლენისაგან,”- განაცხადა გია ვოლსკიმ.