გია ვოლსკი : მიხეილ ბატიაშვილის გადადგომის დაკავშირება ია კერზაიას საქმესთან, პოლიტიკური სპეკულაციაა

news
ავტ.: news ნოემბერი 7, 2019 13:54

გია ვოლსკი : მიხეილ ბატიაშვილის გადადგომის დაკავშირება ია კერზაიას საქმესთან, პოლიტიკური სპეკულაციაა

საპარლამენტო უმრავლესობის ლიდერის, გია ვოლსკის განცხადებით, საქართველოს განათლების, მეცნიერების, კულტურისა და სპორტის მინისტრის თანამდებობიდან მიხეილ ბატიაშვილის გადადგომის დაკავშირება ია კერზაიას საქმესთან, პოლიტიკური სპეკულაციაა.

ჟურნალისტებთან საუბარში გია ვოლსკი ოპოზიციის შეფასებებს გამოეხმაურა და აღნიშნა, რომ მინისტრის პოსტის დატოვება პასუხისმგებლობის თავიდან არიდებას არ ნიშნავს.

„ღია საზოგადოება ვართ, სამართლებრივი სისტემა არსებობს და შესაბამისი კონვენციის წევრებიც ვართ. აქედან გამომდინარე, სტრასბურგი ვერ იქნება მიმართული სახელმწიფოს წინააღმდეგ. თუ რაიმე გადაწყვეტილებას მიიღებს, ეს არ იქნება რაიმე განსაკუთრებული შემთხვევა, რომელიც მოულოდნელი აღმოჩნდება. ამ საკითხთან მიხეილ ბატიაშვილის გადადგომის დაკავშირება არის პოლიტიკური სპეკულაცია”, – განაცხადა ვოლსკიმ.

გია ვოლსკი განათლების, მეცნიერების, კულტურისა და სპორტის სამინისტროს შესაძლო გაყოფის საკითხსაც გამოეხმაურა.

მისი თქმით, მნიშვნელოვანია რაციონალური გადაწყვეტილების მიღება, რომელიც ფინანსურ დანახარჯებს არ მოითხოვს.

„თუ მსჯელობის საგანი იქნება სამინისტროს გაყოფა, ვფიქრობ, რომ კულტურისა და სპორტის სფეროს განსაკუთრებული ყურადღება სჭირდება. არავის დაუმალავს, რომ ასეთი მოსაზრებები არსებობს, რადგან დარგს ყურადღება სჭირდება. თუ ამისთვის ცალკე უწყება იქნება საჭირო და ამ აზრისკენ ბევრი იხრება, გადაწყვეტილებაც შესაბამისი უნდა იყოს, თუმცა ამას მნიშვნელოვანი გავლენა არ უნდა ჰქონდეს ბიუჯეტზე, შედეგზე ორიენტირებული გადაწყვეტილება უნდა იყოს მიღებული. სხვა ცვლილებებზე საუბარი არ არის”, – განაცხადა ვოლსკიმ.

შეგახსენებთ, საქართველოს განათლების, მეცნიერების, კულტურისა და სპორტის მინისტრმა, მიხეილ ბატიაშვილმა თანამდებობა დატოვა.

პარლამენტში არსებული ინფორმაციით, განათლების, მეცნიერების, კულტურისა და სპორტის მინისტრად შესაძლოა, გამოცდების ეროვნული ცენტრის ყოფილი ხელმძღვანელის, მაია მიმინოშვილის კანდიდატურაც განიხლებოდეს.

ამასთან, დღეს საპარლამენტო უმრავლესობის წევრმა, თემურ ჭკუასელმა არ გამორიცხა, რომ სამინისტროს კულტურის მიმართულება გამოეყოს, რომლის მინისტრადაც ბადრი მაისურაძის კანდიდატურა განიხილება.

news
ავტ.: news ნოემბერი 7, 2019 13:54

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


4,725
ვიზიტორი
დღეში
Powered By Google Analytics