გია ვოლსკი – ჩვენს ოპონენტებს ჩიხური სიტუაცია შეექმნათ

region
ავტ.: region ნოემბერი 11, 2020 19:21

გია ვოლსკი – ჩვენს ოპონენტებს ჩიხური სიტუაცია შეექმნათ

ჩვენს ოპონენტებს ჩიხური სიტუაცია შეექმნათ, როგორც ჩანს, არ ელოდნენ, რომ საარჩევნო უბნების გადათვლა დაიწყებოდა, – ასე შეაფასა პარლამენტის პირველმა ვიცე-სპიკერმა, გია ვოლსკიმ ოპოზიციის წარმომადგენლების უარი შემაჯამებელი ოქმების ხელმოწერაზე.

მისივე თქმით, ერთადერთი გზა, რაც ოპოზიციას რჩება, დესტრუქცია და შეთანხმების მიღწევის პერსპექტივის მოშლაა.

„ჩვენს ოპონენტებს ჩიხური სიტუაცია შეექმნათ, რადგან როგორც ჩანს, იმას არ ელოდნენ, რომ საარჩევნო უბნების გადათვლა დაიწყებოდა, ისევე, როგორც არ ელოდნენ, რომ კომპეტენტური საერთაშორისო ორგანიზაციები საპარლამენტო არჩევნებს პოზიტიურად შეაფასებდნენ. აქედან გამომდინარე, მათთვის ერთადერთი გზა, რაც რჩება არის დესტრუქცია და იმ პერსპექტივის მოშლა, რომ გადათვლებით თუ სხვა რეკომენდაციების შესრულებით, მიღწეული იყოს შეთანხმება. ეს არის შეთქმულება საქართველოს წინააღმდეგ და კომისიის წევრები იქნებიან, თუ პოლიტიკოსები, უნდა დაფიქრდნენ თავიანთ პასუხისმგებლობაზე ქვეყნის წინაშე“, – განაცხადა ვოლსკიმ.

region
ავტ.: region ნოემბერი 11, 2020 19:21