ენმ-ის წევრების მხრიდან ბიძინა ივანიშვილის საქართველოდან მოსალოდნელი წასვლის შესახებ გაკეთებულ განცხადებებს ანალიტიკოსი გია ხუხაშვილი “პოლიტტექნოლოგიას” უწოდებს და ამბობს, რომ ასეთი ნაბიჯების მას ესმის. თუმცა, მიიჩნევს, რომ ენმ-ის წარმომადგენლების ეს განცხადება ამომრჩეველზე უფრო იყო გათვლილი, ვიდრე თავად ბიძინა ივანიშვილზე.
„ეს არის პოლიტტექნოლოგიური საკითხი. არასერიოზულად მიმაჩნია, რომ ივანიშვილი წასვლას აპირებდეს. მე ვთვლი, რომ ეს აბსოლუტურად არასერიოზულია. ეს ადამიანი არსად წამსვლელი არ არის და ეს არ შეესაბამება სინამდვილეს. დარწმუნებული ვარ, ივანიშვილი ამ ქვეყნიდან არსად არ წავა, რადგან მას რეალურად უყვარს ეს ქვეყანა. შეიძლება, ის შეცდომებს უშვებს, აქვს გადაცდომები, მაგრამ ეს ქვეყანა ნამდვილად უყვარს, თავისებურად უყვარს,“ – განაცხადა გია ხუხაშვილმა.