ანსამბლ “ქართული ხმების” დამფუძნებელი და წევრი გია ჭირაქაძე გარდაიცვალა. ინფორმაციას საქართველოს კულტურისა და ძეგლთა დაცვის სამინისტრო ავრცელებს.
“გია ჭირაქაძე წლების განმავლობაში იყო ანსამბლ “ქართული ხმების”, შემდეგ უკვე ანსამბლ “დიელოს” წევრი. ის იყო საქართველოს დამსახურებული არტისტი, სახელმწიფო პრემიის ლაურეატი, ღირსების ორდენის კავალერი, თბილისის საპატიო მოქალაქე. სამინისტრო სამძიმარს უცხადებს გარდაცვლილის ოჯახსა და სრულიად საქართველოს”- ნათქვამია სამინისტროს განცხადებაში.