გია აბაშიძე: „პოსტივიზე” და „იმედზე” თავდასხმა თავისუფალი სიტყვის ჩახშობაა

ანალიტიკოსი გია აბაშიძე სოციალურ ქსელში ეხმაურება „პოსტივისა“ და „იმედის“ დასანქცირებას.

„ნებისმიერი მნიშვნელოვანი გადაწყვეტილების მიღებამდე სახელმწიფო თუ კერძო სექტორში ტარდება შიდა SWOT- ანალიზი (ძლიერი, დადებითი მხარეები vs რისკები, საფრთხეები). ბრიტანეთის მთავრობას საღად მოაზროვნე ანალიტიკოსები ურჩევდნენ, რომ „პოსტივისა“ და „იმედის“ დასანქცირება უკუშედეგიანი და ბრიტანეთის ინტერესებისთვის საზიანოა, მაგრამ ჩლუნგი მაღალჩინოსნების შემთხვევაში საღი აზრი გაფლანგულია.

საქართველოს თავისუფალ მედიაზე, „პოსტივიზე“ და „იმედზე“ თავდასხმა თავისუფალი სიტყვის ჩახშობაა, როგორც ბრიტანეთში პენსიონერის დაკავება სოცმედიაში პრემიერის კრიტიკის გამო. ეს აქ ვერანაირად გავა, Whitehall-ის (ბრიტანეთის ბიუროკრატია) ჩინოსნებო, ანალიტიკოსებს დაუჯერეთ, რადგან უკვე „აფეთქდით“ „პიარულად“.

ჰიბრიდული დაუფარავი ომის მორიგ შეტევისადმი კი, საქართველოს ჯანსაღი საზოგადოება რეზისტენტული და ერთიანია“, – წერს აბაშიძე.