ღაზაში გათავისუფლებული პირველი შვიდი მძევალი წითელი ჯვრის საერთაშორისო კომიტეტს (ICRC) გადაეცა, – ინფორმაციას The Times of Israel-ი ავრცელებს.
გამოცემის ცნობით, გათავისუფლებულ მძევლებს შორის არიან: გალი და ზივ ბერმანები, მატან ანგრესტი, ალონ ოჰელი, ომრი მირანი, ეიტან მორი და გაი გილბოა-დალალი.
წითელი ჯვრის საერთაშორისო კომიტეტი მძევლებს ისრაელელ სამხედროებს გადასცემს.
თელ-ავივის “მძევლების მოედანზე” ასობით ადამიანი შეიკრიბა, რომლებიც ღაზადან მძევლების გათავისუფლებას ელოდებიან, – ინფორმაციას The Times of Israel-ი ავრცელებს.
გამოცემის ცნობით, მძევლებისა და დაკარგული ოჯახების ფორუმმა საზოგადოებას მოედანზე შეკრებისკენ მოუწოდა.
ფორუმი მძევლების ისრაელში დაბრუნების ტრანსლაციას მოედანზე დამონტაჟებულ დიდ ეკრანებზე გეგმავს.
ღაზაში 48 მძევალი იმყოფება, აქედან ცოცხალი, სამწუხაროდ, მხოლოდ 20 მძევალია.
