ღარიბაშვილის გუშინდელი სამარცხვინო, ანტისახელმწიფოებრივი და ანტიდასავლური გამოსვლა უნდა იყოს მისი უკანასკნელი ტექსტი ქართული სახელმწიფოს სახელით წარმოთქმული – გვარამია

ნიკა გვარამია რუსთავის ციხიდან მიმართვას ავრცელებს, რომელიც მისმა ადვოკატმა, დიტო საძაგლიშვილმა გაახმოვანა:

“ვაქცინა არ მუშაობს – თქვა ე.წ. პრემიერმა ღარიბაშვილმა და უამრავი ადამიანის სიცოცხლე შეიწირა.
მრავალფეროვნება და სიტყვის თავისუფლება არ მუშაობს – თქვა ე.წ. პრემიერმა ღარიბაშვილმა და უმცირესობისა და მედიის დარბევის ბრძანება გასცა, რასაც ლექსოს გარდაცვალება მოჰყვა და 50-ზე მეტი ჟურნალისტის ჯანმრთელობის დაზიანება მოჰყვა;
სანქციები არ მუშაობს – თქვა ე.წ. პრემიერმა ღარიბაშვილმა და საქართველოს ხელისუფლება ოფიციალურად ჩაწერა ანტიდასავლური და ანტიუკრაინული ხელისუფლებების რიგში;
ევროკავშირი არ მუშაობს – თქვა ე.წ. პრემიერმა ღარიბაშვილმა და უკრაინელების გმირული ბრძოლით მოტანილი ევროკავშირის წევრობის კანდიდატის სტატუსი დაგვაკარგვინა;
ნატო არ მუშაობს – თქვა ყატარში ე.წ. პრემიერმა ღარიბაშვილმა და მადრიდის სამიტის წინ, საქართველოს ატლანტიკური ინტეგრაციის და ტერიტორიული მთლიანობის გასაღები რუსეთს გადასცა.

ღარიბაშვილის გუშინდელი სამარცხვინო, ანტისახელმწიფოებრივი და ანტიდასავლური გამოსვლა უნდა იყოს მისი უკანასკნელი ტექსტი ქართული სახელმწიფოს სახელით წარმოთქმული.

20 ივნისის მსგავსი აქციებით და ყველა სხვა პროდასავლური პლატფორმის გამოყენებით, მაგალითად ხვალინდელ აქციაზე, ბევრჯერ უნდა ვთქვათ, რომ თუ რამე არ მუშაობს, ეს ქართული ოცნება და ივანიშვილის რუსული ოლიგარქიული დიქტატურაა. ღარიბაშვილი და ივანიშვილის ყველა სხვა მარიონეტი ქართული სახელმწიფოს სიმსივნური მეტასტაზებიდან ქართული პოლიტიკის შხამიან სიცარიელედ უნდა ვაქციოთ.
დიდება ერს! საქართველო ივანიშვილის გარეშე!

P.S. ელენე ხოშტარიას ბოლოდროინდელი აქტივობები სანქციებთან დაკავშირებით, ვფიქრობ, ოლიგარქიული რეჟიმის წინააღმდეგ, უმნიშვნელოვანესი და გამორჩეულად ეფექტიანი ბრძოლის ფორმაა. ჩემი სრული მხარდაჭერა ლაკას” ნათქვამია ნიკა გვარამიას მიმართვაში.

banner
წინა სტატიაშისაქართველოს პოტენციური კანდიდატის სტატუსი აქვს, თუმცა ქართველმა ხალხმა ცოტა მეტი უნდა მოინდომოს – ნიდერლანდების პრემიერი
შემდეგი სტატიანინო წილოსანი ირლანდიის პარლამენტის ევროკავშირის საქმეთა კომიტეტის დელეგაციის წევრებს შეხვდა