ღარიბაშვილი – წააგეს არჩევნები, მათი მთავარი ლიდერი არის ციხეში, ამის მიუხედავად, აცხადებენ, რომ მოიგეს არჩევნები, წარმოგიდგენიათ, როგორი ანეკდოტია?

ჩვენ კიდევ ერთხელ უნდა შევახსენოთ მოსახლეობას, „ნაციონალურ მოძრაობას“ არავითარი დღის წესრიგი არ აქვს, ძალა, რომელიც გამოირჩეოდა მხოლოდ და მხოლოდ ცრუ დაპირებებით, ათასი სისასტიკით, დანაშაულებით და კრიმინალით, ცრუ დაპირებასაც კი ვეღარ ბედავს, რადგან იციან, რომ მათ სიტყვას არავითარი ფასი აღარ აქვს, – ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებს ხაშურში განუცხადა.

მთავრობის მეთაურის შეფასებით, შესაბამისად, მათი მთავარი ამოცანაა, როგორმე გარკვეული ქაოსის და დესტაბილიზაციის შემოტანა ქვეყანაში.

„წარმოიდგინეთ, როგორ აბსურდულ მდგომარეობაში არიან – წააგეს არჩევნები, მათი მთავარი ლიდერი არის ციხეში და დიდხანს იქნება ციხეში სააკაშვილი. ამის მიუხედავად, აცხადებენ, რომ მოიგეს არჩევნები. წარმოგიდგენიათ, საერთოდ როგორი ანეკდოტია? მთავარი კრიმინალი გვიზის ციხეში – ბატონი სააკაშვილი,“ – განაცხადა პრემიერ-მინისტრმა.

მთავრობის მეთაურის თქმით, საარჩევნო პერიოდში, პოლიტიკური ძალები ყველა ქვეყანაში და ეს დამკვიდრებული და ყველასთვის მიღებული პრაქტიკაა, როგორც მმართველი ძალა, ისე ოპოზიციური პარტიები, იკრიბებიან და აქციებს მართავენ.

„ეს აბსოლუტურად ევროპული პრაქტიკაა“, – აღნიშნა ირაკლი ღარიბაშვილმა.

წინა სტატიაშიღარიბაშვილი – ბატონი ბიძინა ივანიშვილი, მოგეხსენებათ, წასული არის პოლიტიკიდან, უკვე თვეებია, არ მონაწილეობს არანაირი სახით, არანაირი ფორმით ქართული პოლიტიკის ცხოვრებაში
შემდეგი სტატიაღარიბაშვილი – ციხის საავადმყოფოში აბსოლუტურად ყველა პირობა შექმნეს, რაც, საჭიროების შემთხვევაში, გამოყენებული იქნება პატიმარი სააკაშვილისთვის და ასევე, სხვა პატიმრებისთვისაც