ღარიბაშვილი- იუსტიციის სამინისტროს სასჯელაღსრულების სისტემა პასუხისმგებელია ყველა პატიმრის ჯანმრთელობის მდგომარეობაზე, სააკაშვილი არ არის და არ იქნება პრივილეგირებული

უკრაინელი ჟურნალისტის მიერ დასმული კითხვის საპასუხოდ, ვინ იქნება პასუხისმგებელი, თუ მიხეილ სააკაშვილი თავს მოიკლავს, საქართველოს პრემიერ-მინისტრმა ირაკლი ღარიბაშვილმა განაცხადა, რომ იუსტიციის სამინისტროს სასჯელაღსრულების სისტემა პასუხისმგებელია ყველა პატიმრის ჯანმრთელობის მდგომარეობაზე და სააკაშვილი არ არის და არ იქნება პრივილეგირებული.

მთავრობის მეთაურმა ჟურნალისტს ურჩია, უფრო მეტად იმეცადინოს სწორი კითხვების დასმაში.

პრემიერ-მინისტრმა აღნიშნა, რომ კანონის უზენაესობა დაცული უნდა იყოს და ამ ქვეყნის ყველა მოქალაქემ უნდა სცეს მას პატივი.

„პირველ რიგში, მე გირჩევთ, რომ სწორი კითხვების დასმაში უფრო მეტად იმეცადინოთ. მეორე- იუსტიციის სამინისტროს სასჯელაღსრულების სისტემა პასუხისმგებელია ყველა პატიმრის ჯანმრთელობის მდგომარეობაზე და სააკაშვილი არ არის და არ იქნება პრივილეგირებული. კანონის უზენაესობა დაცული უნდა იყოს და ამ ქვეყნის ყველა მოქალაქემ უნდა სცეს მას პატივი“,- განაცხადა ირაკლი ღარიბაშვილმა.

წინა სტატიაშიღარიბაშვილი – სააკაშვილის განცხადებიდან 1 საათში მან ისევ ისე გააგრძელა მკურნალობაც, ვიტამინების და დანამატების მიღება, როგორც წინა დღეებში
შემდეგი სტატიამელია – სააკაშვილის სიცოცხლე, ჯანმრთელობა იქნება უზრუნველყოფილი ქართველი ხალხის მიერ