ღარიბაშვილი – ჩვენი ქვეყანა და მთავრობა მოხვდა ევროპის 20-ეულში; ყველა ის სპეკულაცია და ყალბი დეზინფორმაცია, პროპაგანდა, რაც მომდინარეობს „ნაციონალური მოძრაობისგან“, არის გაქარწყლებული, თუნდაც ამ ძალიან ავტორიტეტული ორგანიზაციის მიერ გამოქვეყნებული

ირაკლი ღარიბაშვილი – ჩვენი ქვეყანა და მთავრობა მოხვდა ევროპის 20-ეულში; ყველა ის სპეკულაცია და ყალბი დეზინფორმაცია, პროპაგანდა, რაც მომდინარეობს „ნაციონალური მოძრაობისგან“, არის გაქარწყლებული, თუნდაც ამ ძალიან ავტორიტეტული ორგანიზაციის მიერ გამოქვეყნებული კვლევებით და ანგარიშით

ჩვენი ქვეყანა და მთავრობა მოხვდა ევროპის 20-ეულში, – ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებს სენაკში განუცხადა.

მთავრობის მეთაურის თქმით, ყველა ის სპეკულაცია და ყალბი დეზინფორმაცია, პროპაგანდა, რაც მომდინარეობს „ნაციონალური მოძრაობისგან“, არის გაქარწყლებული, თუნდაც ამ ძალიან ავტორიტეტული ორგანიზაციის მიერ გამოქვეყნებული კვლევებით და ანგარიშით.

„ეს არის რეკორდული მაჩვენებელი მთავრობის ეფექტიანობის კუთხით და სხვა უამრავი პარამეტრია ჩამოთვლილი, ამ ინდიკატორებით ნაჩვენები არის ჩვენი ხელისუფლება და ზოგადად, ჩვენი ქვეყნის ეფექტურობა. საბოლოო ჯამში, მე ვიქნები ბედნიერი და მოხარული, როდესაც ეს ყველაფერი კონვერტირდება და გარდაიქმნება რეალურ შედეგებად, რაც მოსახლეობის კეთილდღეობაზე აისახება. ჩვენ ამ მიმართულებით ყველაფერს გავაკეთებთ“, – განაცხადა პრემიერ-მინისტრმა.

წინა სტატიაშიღარიბაშვილი – პარადოქსული და არარელევანტური შეიძლება იყოს სააკაშვილის შედარება ჰიტლერთან, მაგრამ ეს ადამიანი ყველაფერში ბაძავს, უბრალოდ, გამოდის ფეიკი ჰიტლერი
შემდეგი სტატია„თალიბანი“ თვითმკვლელ ტერორისტებს ახალისებს და ამავდროულად დე ფაქტო სამხრეთ ოსეთის წარმომადგენლებს ხვდება