გერმანიის ფინანსთა მინისტრი კრისტიან ლინდნერის განცხადებით, უკრაინის მოკლევადიანი ლიკვიდობის საჭიროებებისთვის ოფიციალური ბერლინი კიევს მილიარდი ევროს ოდენობის გრანტს გამოუყოფს, – ამის შესახებ „როიტერი“ იტყობინება.
„მე ახლახანს განვაცხადე, რომ გვინდა, მონაწილეობა მივიღოთ მილიარდი ევროს ფარგლებში არსებულ გრანტებში“, – აღნიშნა ლინდნერმა და დაამატა, რომ „დიდი შვიდეულის“ ფინანსთა მინისტრებისა და ცენტრალური ბანკების ხელმძღვანელების შეხვედრაზე ინფლაციის საკითხიც განიხილეს.
„G7-მა იცის, რომ ინფლაცია ამჟამად ერთ-ერთი ყველაზე დიდი ეკონომიკური რისკია. ჩვენ უნდა გამოვიყენოთ ერთობლივი ძალისხმევა, თითოეულმა თავისი შესაძლელობებით და ვებრძოლოთ ინფლაციას მსოფლიოში და ჩვენს ეკონომიკაში“, – დაამატა გერმანელმა მინისტრმა.