გერმანიის შსს მინისტრმა ჰორსტ ზეეჰოფმა ისლამური ჰუმანიტარულ ორგანიზაციას Ansaar International და მის შემადგენლობაში შემავალ სტრუქტურულ დაწესებულებებს ქვეყანაში მოღვაწეობა აუკრძალა. ორგანიზაცია შემოწირულობებით სირიასა და მთელს მსოფლიოში ტერორისტულ საქმიანობას აფინანსებდა – “დოიჩე ველე” წერს.
SWR-ისა და გაზეთის Bild ინფორმაციით, აღნიშნული ორგანიზაციის საქმიანობასთან დაკავშირებით გერმანიის 16 ფედერალურ მიწაზე ჩხრეკა ჩატარდა.
საერთო ჯამში აკრძალვა შეეხო 9 ორგანიზაციას, მათ შორის, ფეხბურთელ ანის ბენ-ჰატირის გერმანულ-ტუნისური ფონდია, ორგანიზაცია Better World Appeal და სხვა.
საქმიანობის აკრძალვის შესახებ მინისტრის ბრძანებულებაში მითითებულია, რომ ორგანიზაციები ქვეყნის კონსტიტუციურ ნორმებს არღვევდნენ.
კერძოდ, Ansaar International-ი გერმანიიდან არასრულწლოვნებს აგზავნიდა ექსტრემისტულ-სალაფიტური მსოფლმხედველობის გასაცნობად. გარდა ამისა, ორგანიზაცია აფინანსებდა სირიაში მოქმედ ტერორისტულ დაჯგუფებას “ჯებრატ ან-ნურსა” და სხვა.
