ქალაქ ლუდვიგსჰაფენში 12 წლის მოზარდს თვითნაკეთი ბომბის აფეთქება უნდოდა საშობაო ბაზრობაზე – ჟურნალი “ფოკუსი” უშიშროების სამსახურებში საკუთარ წყაროზე დაყრდნობით ავრცელებს. ტერაქტის ჩატარება მოზარდს, სავარაუდოდ, “ისლამური სახელმწიფოს” ჯერჯერობით უცნობმა წევრმა დაავალა – ჟურნალი წერს.
12 წლის ახალგაზრდამ ასაფეთქებელი მოწყობილობის მწყობრში მოყვანა სცადა, თუმცა, დეტონატორმა არ იმუშავა. ერთ-ერთი გერმანული არხის ცნობით, ბიჭს 5 დეკემბერს აფეთქების კიდევ ერთი მოწყობის მცდელობა ჰქონდა. მას შემდეგ, რაც მოწყობილობამ ვერ იმუშავა, მან ბომბიანი ზურგჩანთა ბუჩქებში მიაგდო, რომელიც გამვლელმა იპოვა და პოლიციას აცნობა.
საქმეს გერმანიის ფედერალური პროკურატურა იძიებს.