გერმანიის ბუნდესტაგმა საქართველო, ტუნისი, ალჟირი და მაროკო უსაფრთხო ქვეყნებად აღიარა. შესაბამის კანონპროექტს 18 იანვარს პარლამენტართა უმეტესობამ მხარი დაუჭირა. ახლა დოკუმენტს ბუნდესრატი – ფედერალური მიწების წარმომადგენლები განიხილავენ.
გერმანიის მთავრობის წევრთა თქმით, უსაფრთხო ქვეყნის სტატუსი ამ ქვეყნის მოქალაქეების შუამდგომლობას, თავშესაფრის მიღების შესახებ დააჩქარებს. “მწვანეთა” წარმომადგენლები დოკუმენტის წინააღმდეგი იყვნენ, მათი აზრით, თავშესაფრის თხოვნა ყველა ადამიანს უნდა შეეძლოს – “დოიჩე ველე” წერს.