“ნორმანდიული ოთხეულის” მორიგი შეხვედრა ძალიან მალე გაიმართება – ამის შესახებ გერმანიის საგარეო საქმეთა სამინისტროს ოფიციალურმა წარმომადგენელმა, მარტინ შეფერმა განაცხადა.
“ვფიქრობ, რომ ძალიან მალე შედგება მინისტრების შეხვედრა, თუმცა, ამას ოფიციალურად ვერ დავადასტურებ, რადგანაც სამ პარტნიორთან (უკრაინა, საფრანგეთი, რუსეთი-რედ) გარკვეული კონტაქტები ისევ საჭიროა” – თქვა შეფერმა, რომლის აზრითაც, “ნორმანდიული ოთხეულის” ბოლო შეხვედრის შედეგად მიღწეული შეთანხმებების შესულება “მძიმედ მიმდინარეობს”. გერმანია, უკრაინა, საფრანგეთი, რუსეთის ხელმძღვანელები ბოლოს ერთმანეთს ბერლინში 20 ოქტომბერს შეხვდნენ.