გერმანიის საგარეო საქმეთა მინისტრმა დღევანდელ დღეს, 24 ივნისს სამწუხარო დღე უწოდა ევროპისა და ბრიტანეთისთვის.
“ბრიტანეთიდან მიღებული დილაადრიანი ცნობები ნამდვილად აფხიზლებს. ეს სამწუხარო დღეა როგორც ევროპისთვის, ასევე გაერთიანებული სამეფოსთვის” – ნათქვამია დიპლომატიური უწყების “ტვიტერზე”.
შეგხსენებთ, რომ გუშინ ბრიტანეთში გამართულ რეფერენდუმზე, ევროკავშირიდან გასვლას 17 410 742 ადამიანმა მისცა ხმა, რაც ამომრჩეველთა 51,9%-ია. წინააღმდეგ გამოვიდა 16 141 241 ადამიანი, რაც ამომრჩევლების 48,1%-ია.
