გერმანია ჯერჯერობით არ აპირებს ტერორისტული დაჯგუფება ისლამური სახელმწიფოს წინააღმდეგ საკუთარი სამოქმედო არეალის გაფართოებას ახლო აღმოსავლეთში – ამის შესახებ ანგელა მერკელმა ZDF-ის ეთერში განაცხადა.
ჟურნალი Der Spiegel-ის მიერ გავრცელებული ინფორმაციით, აშშ-ს თავდაცვის მინისტრმა ეშტონ კარტერმა თავის გერმანელ კოლეგას ურსულა ფონ დერ ლაიენს თხოვნის წერილი გაუგზავნა, ისლამურ სახელმწოფოსთან ბრძოლაში გერმანიის წვლილის გაფართოებასთან დაკავშირებით.
უწყების პრეს-სამსახურმა წერილის მიღება დაადასტურა, მაგრამ კომენტირებისგან თავი შეიკავა იმ მიზეზით, რომ უწყება წინადადებას განიხილავს.
გამოცემის თქმით, წერილი კონკერტულ თხოვნებს არ შეიცავდა და ანალოგიურად დაეგზავნა აშშ-ს სხვა პარტნიორებსაც.
“ვფიქრობ, გერმანია საკუთარ დავალებას აკეთებს და სხვა საკითხებთან დაკავშირებით არ უნდა ვილაპარაკოთ მიმდინარე მომენტში” – განაცხადა მერკელმა პენტაგონიდან მიღებული წერილის კომენტირებისას.
გერმანიის მისია ისლამურ სახელმწიფოსთან ბრძოლის ფარგლებში ბუნდესტაგის 4 დეკემბრის გადაწყვეტილებით Tornado-ს ტიპის 6 თვითმფრინავს და დაახლოებით 1200 კაციან კონტიგენტს მოიცავს.
