გერმანიის მთავრობა მიიჩნევს, რომ ჰორმუზის სრუტის სავარაუდო ბლოკადა მხოლოდ „ზეწოლის გაზრდის მცდელობაა“ და არა პროცესის ფინალი.
ბერლინის განცხადებით, ბლოკადის შესახებ გავრცელებული ინფორმაცია არ ნიშნავს მოლაპარაკებების დასრულებას. გერმანია ამას განიხილავს, როგორც ტაქტიკურ სვლას ირანზე ზეწოლის გასაძლიერებლად.
გერმანიის წარმომადგენელმა ყურადღება გაამახვილა მნიშვნელოვან დეტალზე: აშშ-ის ცენტრალური სარდლობა (CENTCOM) საუბრობს ირანული პორტების ბლოკადაზე და არა მთლიანად ჰორმუზის სრუტის გადაკეტვაზე.
ჰორმუზის სრუტის ბლოკადა ნიშნავს მსოფლიო ნავთობის მიწოდების 20%-ის გაჩერებას, რაც გლობალურ ეკონომიკურ კოლაფსს გამოიწვევს. ირანული პორტების იზოლაცია კი უფრო მიზნობრივი დარტყმაა თეირანის ეკონომიკაზე.
