გერმანიის თავდაცვის სამინისტრომ ოთხშაბათს ქვეყნის პარლამენტს აცნობა, რომ გერმანელი სამხედროების ავღანეთიდან იმაზე ადრე გამოყვანა იგეგმება, ვიდრე ადრე ითქვა. ახლა ნატოს პარტნიორებთან მიდის კონსულტაციები, რომლის შემდეგადაც 1100 გერმანელი სამხედრო მოსამსახურე უკვე 4 ივლისამდე დატოვებს ავღანეთს. აშშ-მ, რომელიც ნატოს ათობით ათასიან სამხედრო კონტიგენტში ყველაზე მეტი რაოდენობით არის წარმოდგენილი, რამდენიმე დღის წინ განაცხადა, რომ საკუთარი ჯარის უკანასკნელ წარმომადგენლებს 11 სექტემბერს, “”ალ-ქაიდას” ტერორისტული თავდასხმიდან 20 წლისთავზე გამოიყვანს.
გერმანელი და ამერიკელი ჯარისკაცების გარდა ავღანეთში ნატოს წევრი და პარტნიორი ქვეყნების დაახლოებით 7 ათასი ჯარისკაცი დგას. ისინი ამერიკელი ჯარისკაცების გამოსვლასთან ერთად კოორდინირებულად დატოვებენ ავღანეთს.