ულტრამემარჯვენე პოლიტიკოსი ნაციონალურ-დემოკრატიული პარტიიდან მარსელ ცეხი სასამართლოში აუზზე ბანაობის შემდეგ მოხვდა – ამის შესახებ ინფორმაციას Associated Press ავრცელებს.
სასამართლო დევნის მიზეზი 27 წლის მამაკაცის ზურგზე არსებული ტატუ გახდა – აუზის სხვა მოცურავეებმა ჩათვალეს, რომ მამაკაცს გაკეტებული აქვს ნაცისტური ბანაკის, აუშვიცის (ოსვენცემი პოლონურად) ტატუ, რომელსაც თან ახლავს წარწერა – “ყველას თავისი”, რომელიც ბუხენვალდის საკონცენტრაციო ბანაკის კარებზე იყო გამოკრული.
პროკურატურა თვლის, რომ ცეხმა დაარღვია კანონი ნაცისტური სიმბოლოების დემონსტრირების შესახებ. ბრალის დამტკიცების შემთხვევაში პოლიტიკოსს ერთი წლით თავისუფლების აღკვეთა ემუქრება.