გენერალი ბორისოვი იყო ჩემი ძმაკაცაი, ოჯახის წევრი- აცხადებს სპეცოპერაცია “ენვერის” ფარგლებში დაკავებული და რუსეთის სასარგებლოდ ჯაშუშობისთვის გასამართლებული პეტრე დევრიშაძე “ტვ პირველის” ეთერში. მისი განცხადებით, “ენვერი” იყო დადგმული სპექტაკლი, ხოლო კონტრდაზვერვისთვის ის საინტერესო იყო სწორედ ბორისთან მეგობრობის გამო:
“მე საქართველოს კონტრდაზვერვისთვის ვიყავი ყველაზე კარგი პერსონაჟი. გენერალი ბორისოვი იყო ჩემი ძმაკაცაი, ოჯახის წევრი. მას მერე, რომ შეიცვალა ხელმძღვანელობა რუსულ სამხედრო ბაზაში, ქალაქ ბათუმში, მოვიდა გენერალი დანილოვი, იმასთან მქონდა კარგი ურთიერთობა. სააკაშვილის ხელისუფლებას ყოველთვის, თუკი რამე პრობლემა ჰქონდა, ყოველთვის მიძახებდნენ დაგვეხმარე, ეს გვინდა, ის გვინდა და ყოველთვის ვედექი საქართველოს ყველა პრობლემებს გვერდში” განაცხადა დევრიშაძემ “დღის ამბებში” საუბრისას
