მოწამეთაში დავით და კონსტანეს სახელობის ტაძრის მიმდებარე ტერიტორიაზე, ასევე გელათის მონასტრის ირგვლივ რამდენიმე ჰექტარზე საუკუნეების წინ გაშენებულ კოლხურ ბზას დაახლოებით ერთი თვის წინ დაავადება გაუჩნდა. ბზის ხეები ფაქტობრივად გამხმარია.
ადგილობრივი მოსახლეობა ხელისუფლებას, კონკრეტულად კი გარემოს დაცვის სამინისტროს დახმარებას სთხოვს. მოსახლეობის თქმით, მსგავსი ფაქტი არავის ახსოვს. მათივე განცხადებით, ადგილობრივ ხელისუფლებას დახმარებისთვის რამდენჯერმე უკვე მიმართეს.
