დიასპორის საკითხებში საქართველოს სახელმწიფო მინისტრმა გელა დუმბაძემ, სამუშაო ვიზიტის ფარგლებში, შეხვედრა გამართა ლიტვის რესპუბლიკის, ქ. ვილნიუსში მცხოვრებ ჩვენს თანამემამულეებთან.
გელა დუმბაძემ შეხვედრის მონაწილეებს მოუთხრო სახელმწიფო მინისტრის აპარატის საქმიანობის შესახებ, ესაუბრა პროექტებზე, რომელსაც ამჟამად ახორციელებს აპარატი, გააცნო მათ სამომავლო ამოცანები და გაუზიარა საკუთარი ხედვა. თავის მხრივ, ჩვენმა თანამემამულეებმა გელა დუმბაძეს გააცნეს ლიტვის ქართული სათვისტომოს საქმიანობა და ინფორმაცია მიაწოდეს მათ წინაშე არსებული პრობლემების შესახებ.
შეხვედრას ესწრებოდნენ საქართველოს კონსული ლიტვაში – ლევან ღვაჩლიანი და საელჩოს მრჩეველი ირაკლი გიგაური