გედევან ფოფხაძე: „ქართული ოცნების“ გუნდს შეუძლია, ასპინძას ყველაფერი ის მისცეს, რაც დღეს სჭირდება

news
ავტ.: news აგვისტო 22, 2016 16:10

გედევან ფოფხაძე: „ქართული ოცნების“ გუნდს შეუძლია, ასპინძას ყველაფერი ის მისცეს, რაც დღეს სჭირდება

„ქართული ოცნების“ პოლიტიკურ გუნდს დღეს შეუძლია, ასპინძას ყველაფერი ის მისცეს, რაც დღეს სჭირდება, – ამის შესახებ ბორჯომი-ასპინძის გაერთიანებული საარჩევნო ოლქის მაჟორიტარი დეპუტატობის კანდიდატმა „ქართული ოცნებიდან“ გედევან ფოფხაძემ დღეს ასპინძაში, მოსახლეობასთან შეხვედრაზე განაცხადა.

ფოფხაძემ „ქართული ოცნების“ მიღწევებს გაუსვა ხაზი და აღნიშნა, რომ ამ პოლიტიკურმა გუნდმა ქვეყანაში ახალი ღირებულებები დაამკვიდრა.

„მგონია, რომ აქ, საქართველოს ამ ისტორიულ მიწაზე, განსაკუთრებული პასუხისმგებლობის გრძნობა გვაქვს ყველას იმ მომავლის წინაშე, რომელიც ჩვენს ქვეყანას უნდა ჰქონდეს. აი, ამ პატარა ასპინძელების უკეთესი ხვალინდელი დღისთვის, რომელთაც დღეს აქ „ქართული ოცნების“ მაისურები აცვიათ და იმედიანი თვალებით გვიყურებენ, ჩვენ არ გვაქვს მორალური უფლება საქართველოს მომავალი სხვანაირი იყოს, თუ არა ნათელი, ძლიერი და დაფუძნებული თავისუფლების დიად იდეალებზე. „ქართულმა ოცნებამ“ ოთხი წლის განმავლობაში ყველაფერი გააკეთა იმისთვის, რომ სრულიად საქართველოს ეგრძნო ის ახალი ღირებულებები, რომლითაც ჩვენ ვიწყებდით ცხოვრებას. მე მინდა, რომ ასპინძამ ბოლომდე იგრძნოს ეს ყველაფერი და ისიც გახდეს იმ პოლიტიკური სივრცის ნაწილი, რომელშიც დღეს სრულფასოვნად არის „ქართული ოცნება“ ჩართული. მე ვიცი, რომ ამ პოლიტიკურ გუნდს დღეს შეუძლია ასპინძას ყველაფერი ის მისცეს, რაც დღეს სჭირდება და ნებისმიერმა ასპინძელმა, ნებისმიერმა აქ მცხოვრებელმა ადამიანმა, მისმა ოჯახმა იგრძნოს, რომ საქართველო სხვა რეალობაში იწყებს ცხოვრებას“, – განაცხადა გედევან ფოფხაძემ.

news
ავტ.: news აგვისტო 22, 2016 16:10

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,372
ვიზიტორი
დღეში
Powered By Google Analytics