საპარლამენტო უმრავლესობის წარმომადგენელი გედევან ფოფხაძე ორშაბათს ბრიფინგს გამართავს, რომელზეც ბოლოდროინდელ მოვლენებთან დაკავშირებით ვრცლად ისაუბრებს. ამის შესახებ მან ჟურნალისტებს განუცხადა კითხვაზე, ეკა ბესელიას მსგავსად, ტოვებს თუ არა მმართველ პარტიას.
„მინდა, მშვიდ, წყნარ ატმოსფეროში გავმართო დასაბუთებული და გააზრებული, არგუმენტირებული ბრიფინგი.
ბრიფინგზე მომეცემა საშუალება, სრულად გავშალო თემები, რომლებიც ბოლო დროს ხდებოდა. ორშაბათს ყველაფერს გეტყვით. გავაკეთებ ოფიციალურ განცხადებას“, – აღნიშნა გედევან ფოფხაძემ.
დეპუტატმა ეკა ბესელიამ დღეს განაცხადა, რომ პარტია „ქართული ოცნება“ და საპარლამენტო უმრავლესობა დატოვა.
