გაზის დეფიციტმა, შეიძლება, ევროპაში მძიმე ეკონომიკური კრიზისი გამოიწვიოს – გერმანიის ვიცე-კანცლერი

გერმანიის ვიცე-კანცლერის, რობერტ ჰაბეკის განცხადებით, ზამთარში გაზის დეფიციტმა, შეიძლება, ევროპაში მძიმე ეკონომიკური კრიზისი გამოიწვიოს.

„ზამთარში არსებობს ისეთი სცენარის საშიშროება, როდესაც რეალურად უნდა დაწესდეს შემცირება. ჩემი აზრით, ეს გამოიწვევს მძიმე ეკონომიკურ კრიზისს ევროპასა და გერმანიაში და ეს თავიდან უნდა იქნას აცილებული ნებისმიერ ფასად“, – აღნიშნა რობერტ ჰაბეკმა.

მისი თქმით, ამ სცენარის თავიდან ასაცილებლად საჭიროა დასავლეთის მხრიდან ერთობლივი და სწრაფი მოქმედება.

„ჩვენ ჯერ იქამდე არ ვართ მისული, მაგრამ იმისათვის, რომ არ მივიდეთ, გვჭირდება გადამწყვეტი, ერთობლივი, სოლიდარობაზე დამყარებული და, უპირველეს ყოვლისა, ძალიან სწრაფი მოქმედება“, – აღნიშნა გერმანიის იცე-კანცლერმა.

წინა სტატიაშისენატორი რიში უკრაინაში ჩავიდა
შემდეგი სტატიამზად ვართ მხარი დავუჭიროთ უკრაინას იმდენ ხანს, რამდენ ხანსაც საჭირო იქნება – დიდი შვიდეულის ლიდერები